Bóklegt atvinnuflugmannsnám er nú hægt að stunda í hvaða JAR landi sem er þrátt fyrir að verklegi hlutinn sé tekin hér á landi. Sé bóklega námið tekið erlendis þarf viðkomandi nemandi að klára öll bóklegu prófin þar, en síðan sækir hann um undanþágu til FMS til að klára sitt verklega nám hjá Flugskólanum. Margir erlendir skólar gefa nemendum sínum kost á því að stunda fjarnám. Dæmi um JAA skóla sem kenna bóklegt ATPL eru skólarnir Oxford Aviation Training og Naples Air Center, án þess að verið sé að mæla með þeim frekar en öðrum.

Fögin í bóklegu atvinnuflugmannsnámi eru fjórtán talsins og lágmarks árangur í hverju fagi er 75%. Bóklega prófið gildir í 24 mánuði eftir síðasta próf og þarf að ljúka verklegu prófi á þeim tíma, en einstök próf gilda í 18 mánuði frá fyrsta prófi þar til síðasta prófi er náð með fullnægjandi árangri. Á námskeiðinu eru kennd 14 fög, þau sömu og voru kennd á einkaflugmannsnámskeiðinu, en mun ítarlegri. Ensku- , stærðfræði- og eðlisfræðikunnátta nemenda þarf að vera mjög góð.

Fögin eru eftirfarandi

1. Lög og reglur um loftferðir (Air Law)
2. Almenn þekking á loftförum – flugvélin/kerfi/vélar (Aircraft General Knowledge – airframe/systems/power plant)
3. Almenn þekking á loftförum – mælitæki/rafmagnsfræði (Aircraft General Knowledge – instruments/electronics)
4. Afkastageta og áætlanagerð – massi og jafnvægi (Flight performance and planning – mass and balance)
5. Afkastageta og áætlanagerð – afkastageta (Flight performance and planning - performance)
6. Afkastageta og áætlanagerð – flugáætlanagerð og eftirlit (Flight performance and planning – flight planning and monitoring)
7. Mannlegt geta og takmörk hennar (Human performance and limitations)
8. Flugveðurfræði (Meteorology)
9. Siglingafræði – almenn siglingafræði (General navigation)
10. Siglingafræði – blindflugssiglingafræði (Radio navigation)
11. Verklagsreglur í flugi (Operational procedures)
12. Flugfræði (Principles of flight)
13. Fjarskipti VFR (VFR Communications)
14. Fjarskipti IFR (IFR Communications)

Í lok námskeiðsins taka nemendur skólans bókleg próf, þegar nemandinn hefur staðist þau tekur hann bóklegt próf hjá flugmálastjórn viðkomandi lands. Að bóklegum prófum loknum er hægt að hefja verklegt nám.