Til verklegs einkaflugmannsprófs þarf að taka 55 flugtíma. Við kennslu í flugæfingum, sem kveðið er á um samkvæmt JAR-FCL, eru notaðar aðferðalýsingar sem kenndar eru í fræðilegum hluta einkaflugmannsnámskeiðsins. Til viðbótar við kröfur JAR-FCL kennir skólinn til næturflugsáritunar undirstöðuatriði í blindflugi, 5 tímar í hvorn hluta, og er það hluti af verklegu einkaflugmannsnámi skólans.

Til þess að útskrifast með einkaflugmannspróf þarf nemandinn að taka fyrst verklegt skólapróf, en svo er tekið verklegt einkaflugmannspróf hjá Flugmálastjórn Íslands. Ekki er hægt að taka verklegt próf fyrr en bóklegu einkaflugmannsprófin eru að baki með fullnægjandi árangri.